ຂັ້ນຕອນພື້ນຖານທີ່ Dev ມືໃໝ່ ຄວນຮູ້ໃນການອັບໂຫລດແອັບລົງ App Store

2 min readFeb 15, 2021

1. ລົງທະບຽນເປັນນັກພັດທະນາ & ເຂົ້າຮ່ວມໂປແກຣມນັກພັດທະນາຂອງ Apple (Register as a developer & join the Apple Developer Program)

ລົງທະບຽນໄດ້ທີ່ https://developer.apple.com/ ໃນຖານະນັກພັດທະນາເພື່ອທີ່ຈະສາມາດເຜີຍແຜ່ແອັບໃນ AppStore.

ໃນບັນຊີນີ້ນັກພັດທະນາສາມາດເຂົ້າເຖິງຊັບພະຍາກອນທົ່ວໄປ (general resources) ໄດ້ຢ່າງຈຳກັດເຊັ່ນ: SDKs, downloads, development tools.

ເພື່ອທີ່ຈະເຂົ້າເຖິງຄຸນລັກສະນະທັງໝົດ (ລວມທັງການເຜີຍແຜ່ແອັບໃນ AppStore) ນັກພັດທະນາຕ້ອງເຂົ້າຮ່ວມໂປແກຼມນັກພັດທະນາຂອງ Apple ເຊິ່ງມີຄ່າສະໝັກສະມາຊິກຕໍ່ປີຢູ່ທີ່ $99 ຫຼື 925.000 ກີບ ຂໍ້ນີ້ຖືວ່າເປັນດ່ານປາບຊຽນເລີຍກໍວ່າໄດ້.

Note: ຄ່າສະໝັກຂ້ອນຂ້າງອ່າວແພງແດ່ຈຶ່ງເຮັດໃຫ້ນັກພັດທະນາຫຼາຍຄົນຖອດໃຈຢູ່ບ່ອນນີ້. ນອກນີ້ອຸປະກອນທີ່ໃຊ້ກໍຕ້ອງເປັນຂອງ Apple ເຊິ່ງເປັນທີ່ຮູ້ກັນດີວ່າລາຄາສູງເຊັ່ນດຽວກັນ.

2. ສ້າງ, ພັດທະນາ ແລະ ທົດສອບແອັບໃນ Xcode (Building, developing and testing your app in Xcode)

Xcodeແມ່ນຫຍັງ?

ແມ່ນສະພາບແວດລ້ອມການພັດທະນາສຳລັບລະບົບປະຕິບັດການຂອງ Apple ເຊັ່ນ: MacOS, iOS, WatchOS ແລະ tvOS. ນັກພັດທະນາສາມາດສ້າງ, ແກ້ໄຂແອັບ ແລະ ເຮັດວຽກຮ່ວມກັນໄດ້ຕັ້ງແຕ່ແນວຄວາມຄິດເບື້ອງຕົ້ນຈົນໄປເຖິງການເຜີຍແຜ່ແອັບໃນ App Store.

Xcode ລວມມີທຸກຢ່າງທີ່ນັກພັດທະນາຕ້ອງການບໍ່ວ່າຈະເປັນສ້າງໂປແກຣມສຳລັບ Mac, iPhone, iPad, Apple TV ແລະ Apple Watch. Xcode ເຮັດໃຫ້ນັກພັດທະນາມີລະບົບການເຮັດວຽກແບບເປັນເອກະພາບສຳລັບການອອກແບບການໂຕ້ຕອບຂອງຜູ້ໃຊ້, ການເຂົ້າລະຫັດ, ການທົດສອບ ແລະ ການແກ້ໄຂ. Xcode IDE ບວກກັບພາສາການຂຽນໂປແກຣມ Swift ຈະເຮັດໃຫ້ການຂຽນແອັບມ່ວນ ແລະ ງ່າຍຂຶ້ນ.
Swift ແມ່ນພາສາການຂຽນໂປແກຣມຫຼັກຂອງການຂຽນແອັບ iOS.
ຖ້ານັກພັດທະນາສົນໃຈໃນການສ້າງແອັບໃຫ້ Apple ຕ້ອງໃຊ້ Xcode (ແມ່ນວິທີດຽວທີ່ຮອງຮັບໃນການພັດທະນາແອັບ iOS).

Xcode ແມ່ນສິ່ງຈຳເປັນທີ່ຂາດບໍ່ໄດ້ເປັນໃນການສ້າງ, ພັດທະນາ ແລະ ທົດສອບແອັບ

Xcode ແມ່ນທາງເລືອກທີ່ດີທີ່ສຸດສຳລັບນັກພັດທະນາແອັບໃນ iOS ເພາະມີຕົວກວດສອບ source code, ແວດລ້ອມຂອງຊຸດເອກະສານ (files) ທີ່ຈະຊີ້ໃຫ້ເຫັນຂໍ້ຜິດພາດຕ່າງໆໃນຂະນະທີ່ພິມພ້ອມທັງໃຫ້ຄຳແນະນຳວິທີແກ້ໄຂຂໍ້ຜິດພາດນັ້ນ.
Xcode ຍັງມີແມ່ແບບ ແລະ ຕົວຢ່າງໂຄດທີ່ເກັບໄວ້ ເພື່ອເຮັດໃຫ້ການຂຽນໂຄດສະດວກຂຶ້ນ ນອກນີ້ເຮົາຍັງສາມາດສ້າງແມ່ແບບຂອງເຮົາເອງໄວ້ໄດ້ເພື່ອຫຼຸດເວລາໃນການຂຽນໂຄດທີ່ເຮົາໃຊ້ຕະຫຼອດຄືນ ຄຸນລັກສະນະນີ້ຊ່ວຍໃຫ້ຜູ້ເລີ່ມໃຊ້ແມ່ແບບເພື່ອສ້າງແອັບງ່າຍຂຶ້ນເຖິງແມ່ນວ່າຈະມີຄວາມຮູ້ກ່ຽວກັບການພັດທະນາໂປແກຣມບໍ່ຫຼາຍ.
ນັກພັດທະນາສາມາດເບິ່ງຫຼາຍຊູດເອກະສານ (files) ພ້ອມກັນໃນ Xcode editor ແລະ ເຮົາຍັງສາມາດໃຊ້ເຄື່ອງມືຄົ້ນຫາ (find) & ແທນທີ່ (replace) ເພື່ອອັບເດດ code ຂອງເຮົາ. ນອກນີ້ code ຂອງເຮົາຈະຖືກບັນທຶກໂດຍອັດຕະໂນມັດ, ສະນັ້ນບໍ່ຈຳເປັນຕ້ອງກັງວົນກ່ຽວກັບການແກ້ໄຂ ຫຼື ການປ່ຽນແປງທີ່ເຮົາໄດ້ເຮັດໄວ້ຈະຫາຍໄປ.

3. ລົງທະບຽນສະໝັກ & ອັບໂຫລດແອັບລົງ App Store Connect (Register & upload your app in App Store Connect )

App Store Connect ຊ່ວຍໃຫ້ນັກພັດທະນາສາມາດຕິດຕາມການຂາຍ, ເບິ່ງລາຍງານ, ຕອບຄຳ ຕິຊົມ ແລະ ອື່ນໆ. TestFlight beta testing ຈະສົ່ງເບຕ້າສ້າງແອັບຂອງເຮົາໃຫ້ນັກທົດສອບເພື່ອໃຫ້ຄຳຕິຊົມ (ໃນບັນຊີ App Store Connect ເຮົາສາມາດເປີດໃຊ້ຄຸນລັກສະນະນີ້ໄດ້).

ຈະປະກອບມີ 3 ສ່ວນຫຼັກໆຄື: App ID, Developer Certificates, UDID ຂອງອຸປະກອນ. ຊຸດເອກະສານດິຈິຕອນ (digital entities) ທີ່ເອົາໄວ້ກວດສອບວ່າ:

ສາມາດທົດສອບແອັບຂອງເຮົາໃນອຸປະກອນໄດ້ແທ້ ຫຼື ບໍ່ (Development Provisioning Profiles) ອຸປະກອນທີ່ໃຊ້ທົດສອບຕ້ອງລົງທະບຽນກ່ອນຈຶ່ງສາມາດໃຊ້ງານໄດ້.
ສາມາດຕິດຕັ້ງແອັບຂອງເຮົາເພື່ອໃຊ້ທົດສອບຜ່ານຊ່ອງທາງຄື: ດາວໂຫຼດຈາກເວັບໄຊ (AdHoc Distribute Provisioning Profiles) ຕ້ອງລົງທະບຽນກ່ອນຈຶ່ງຈະສາມາດນຳໃຊ້ໄດ້, ດາວໂຫຼດຈາກເວັບໄຊ (Enterprise Distribute Provisioning Profiles) ບໍ່ຕ້ອງລົງທະບຽນກໍສາມາດໃຊ້ງານໄດ້.
ສາມາດອັບໂຫຼດແອັບໄປຂາຍໃນ App Store ໄດ້ ຫຼື ບໍ່ (AppStore Distribute Provisioning Profiles).

4. ສົ່ງແອັບເພື່ອໄດ້ຮັບການກວດສອບ & ແອັບຈະຖືກຢັ້ງຢືນ ແລະ ເຜີຍແຜ່ໃນ App Store (Submit your app for review & your app will be verified and published in App Store)

ທຸກໆແອັບຕ້ອງໄດ້ຮັບການອະນຸມັດຈາກທີມງານ Apple ບໍ່ວ່າຈະເປັນດ້ານເຕັກນິກ, ການອອກແບບ ແລະ ເນື້ອຫາກ່ອນທີ່ແອັບຈະຖືກນຳເຂົ້າໃນ App Store.

ໃນບາງກໍລະນີເຮົາຈະໄດ້ຮັບອີເມວແຈ້ງເຕືອນເພື່ອໃຫ້ດັດແປງ, ແກ້ໄຂ ຫຼື ປ່ຽນແປງບາງສິ່ງບາງຢ່າງໃນແອັບຂອງເຮົາດ້ວຍເຫດຜົນທີ່ແຕກຕ່າງກັນຄື:
- ບໍ່ປະຕິບັດຕາມຂໍ້ກຳນົດຂອງ Apple ໃນການເຜີຍແຜ່ແອັບ.
- ແອັບບາງແອບຈະບໍ່ຖືກຍອມຮັບເຊັ່ນ: book applications.
- ສຶກສາເພີ່ມເຕີມເພື່ອຫຼີກລ້ຽງການຖືກປະຕິເສດໄດ້ທີ່ Click here

ຂັ້ນຕອນການອະນຸມັດນີ້ຈະໃຊ້ເວລາ 1–3 ອາທິດ. ຖ້າເຮົາໄດ້ຮັບ Feedback ຈາກທີມງານ Apple ກໍຕ້ອງໄດ້ແກ້ໄຂຈົນກວ່າຈະຜ່ານມາດຖານຂອງທາງ Apple

— — — — — — — — — — — — — — — — — — — — — — — — — —

ແຫຼ່ງຂໍ້ມູນ:

https://medium.com/odds-team/ios-developer-%E0%B8%81%E0%B8%B1%E0%B8%9A-provisioning-profiles-ac9be85d716d

https://developerhowto.com/2018/11/29/publish-an-ios-application-in-the-appstore/

https://www.zerotoappstore.com/what-is-xcode-and-why-do-i-need-it.html