ຂັ້ນຕອນການພັດທະນາແອັບພລິເຄຊັນຕັ້ງແຕ່ຕົ້ນຈົນຈົບ

Comet Digital Agency

3 min readMar 20, 2021

Step by step of mobile app Development

Step 1: ໄອເດຍໃນການສ້າງແອັບພລິເຄຊັນ

ເວລາເຮັດແອັບຂອງຕົນເອງເຈົ້າຂອງທຸລະກິດຢ່າງໜ້ອຍຕ້ອງຕອບຄຳຖາມເຫຼົ່ານີ້ໃຫ້ໄດ້ເສຍກ່ອນ:

1 ຈຸດປະສົງການສ້າງແອັບຂຶ້ນມາ (App Objectives)

ເປັນຫຍັງຈຶ່ງຢາກສ້າງແອັບຂຶ້ນມາ?
ແອັບທີ່ຈະສ້າງມີຄວາມຈຳເປັນສຳລັບທຸລະກິດໜ້ອຍຫຼາຍປານໃດ?
ເປັນຄວາມຄິດທີ່ສົມເຫດສົມຜົນ ຫຼື ບໍ່ ຖ້າອີງໃສ່ກຸ່ມລູກຄ້າຂອງຕົນເອງ?
ມີຊັບພະຍາກອນ, ແຫຼ່ງທຶນພຽງພໍໃນການສ້າງ ແລະ ໂປຣໂໝດບໍ່?

2 ກຸ່ມລູກຄ້າ ຫຼື ຜູ້ໃຊ້ງານ (Target Audiences)

- ກຸ່ມລູກຄ້າແມ່ນໃຜ? ຜູ້ໃຊ້ງານມີສັກກະຍະພາບຫຼາຍປານໃດ?

3 ການພັດທະນາແອັບໃຫ້ມີຄວາມໂດດເດັ່ນ (App USP/Unique Selling point)

ຟີເຈີເດັດໆທີ່ສຳຄັນມີຫຍັງແດ່?
ຈຸດເດັ່ນຂອງແອັບແມ່ນຫຍັງ? ແຕກຕ່າງກັບເຈົ້າອື່ນແນວໃດ?
ເປັນຫຍັງຕ້ອງມາໃຊ້ແອັບຂອງເຮົາ?

4 ວິເຄາະຄູ່ແຂ່ງ (Competitors Analysis)

ຄູ່ແຂ່ງຫຼັກ/ຮອງຂອງຕົນເອງແມ່ນໃຜ? (who are direct and indirect competitors)
ມີຄູ່ແຂ່ງເຈົ້າໃດມີແອັບຄ້າຍຄືເຮົາບໍ່? ຖ້າມີ ເຮົາຈະຕ້ອງແກ້ບັນຫາແນວໃດ?

5 ການລົງທຶນ (App Investment)

ການເຮັດແອັບຕ້ອງໄດ້ອາໄສທຶນ, ເວລາ ແລະ ຄວາມພະຍາຍາມທີ່ສູງ ຕ້ອງຖາມເຈົ້າຂອງທຸລະກິດນຳວ່າມີຄວາມພ້ອມແລ້ວບໍ່?

6 ການເຮັດການຕະຫຼາດ (App Marketing)

ຈະໂປຣໂໝດແອັບຕົວເອງແນວໃດ? ມີກົນລະຍຸດຫຍັງໃນຊ່ວງທຳອິດ ເພື່ອໃຫ້ເກີດການຮູ້ຈັກ ແລະ ມີຜູ້ໃຊ້ງານ?

Step 2: ວິໄຈການຕະຫຼາດ

ການເຮັດວິໄຈການຕະຫຼາດຈະຊ່ວຍໃຫ້ເຫັນພາບລວມຫຼາຍຂຶ້ນ, ເຂົ້າໃຈຄູ່ແຂ່ງລາຍອື່ນໄດ້ນຳ ແລະ ຍັງຊ່ວຍໃນການວາງແຜນເພື່ອທີ່ຈະສ້າງຜະລິດຕະພັນໃດໜຶ່ງໃຫ້ຕອບໂຈດກ່ອນທີ່ຈະປ່ອຍອອກສູ່ຕະຫຼາດ.

ຂະບວນການວິໄຈຕະຫຼາດມີທັງໝົດ 05 ຂັ້ນຕອນດັ່ງນີ້:

1 ກຳນົດວັດຖຸປະສົງ, ຕົວຕົນ ແລະ ບຸກຄະລິກຜູ້ໃຊ້ງານ (Define your objective, identity and customer persona).

2 ກະກຽມບັນດາຄຳຖາມເພື່ອການເຮັດສຳຫຼວດ (Prepare your research survey questions).

3 ໄຈ້ແຍກກຸ່ມຄົນທີ່ຈະມາມີສ່ວນຮ່ວມ (Identify a portion of that persona to engage).

4 ສຳພາດກຸ່ມລູກຄ້າເປົ້າໝາຍ (Interview people who are your target market).

5 ຮັກສາຂໍ້ມູນຈາກການເຮັດບົດສຳຫຼວດ (Keep survey information).

Step 3: ອອກແບບໂຄງສ້າງຂໍ້ມູນ

ເປັນຂັ້ນຕອນທີ່ຕ້ອງຕັດສິນໃຈວ່າແອັບເຮົາຕ້ອງການຂໍ້ມູນຫຍັງແດ່?, ມີຟີເຈີຫຍັງ? ແລະ ເຮັດວຽກແນວໃດ? ໂດຍການມີບັນທຶກເປັນລາຍການອອກມາ. ນອກນີ້, ຕ້ອງສະແດງຂໍ້ມູນຫຍັງຢູ່ໜ້າແອັບ? ຫຼັງຈາກນັ້ນກໍສ້າງເປັນ ໂຄງຮ່າງ (wireframe).

ການສ້າງໂຄງຮ່າງ (wireframe) ຕ້ອງໄດ້ຄຳນຶງເຖິງ:
ການກຳນົດຂະໜາດໂທລະສັບໜ້າຈໍ (Set a Mobile Frame) ໃຫ້ຄື ຫຼື ໃກ້ຄຽງກັບຜູ້ໃຊ້ງານໃຊ້.
ຄຳນຶງເຖິງປະສົບການຜູ້ໃຊ້ (Use Design Patterns) ທັງລະບົບ IOS ແລະ Andriod ຍ້ອນທັງສອງລະບົບມີຄວາມແຕກຕ່າງກັນພໍສົມຄວນ ໂດຍອີງໃສ່ປະສົບການຜູ້ໃຊ້ທີ່ມີມາກ່ອນ (past experience).
ຕ້ອງໝັ້ນໃຈວ່າຂະໜາດຂອງເນື້ອຫາທີ່ສະແດງເທິງໜ້າຈໍແຕ່ລະອຸປະກອນມີຄວາມເໝາະສົມບໍ່ໃຫຍ່ເກີນໄປ ຫຼື ຫຼຸດຈາກຂອບໜ້າຈໍ (Ensure Your Content Scales Well).

Step 4: ເລືອກແພລັດຟອມ

ແພລັດຟອມທີ່ຈະໃຊ້ໃນການສ້າງແອັບພລິເຄຊັນປະກອບມີ 02 ຕົວເລືອກໃຫຍ່ໆຄື:

Native App: ການພັດທະນາແອັບພລິເຄຊັນໂດຍອາໄສເຄື່ອງມື ແລະ ພາສາທີ່ຖືກພັດທະນາຂຶ້ນມາໃຫ້ເໝາະສົມກັບແພລັດຟອມເຊິ່ງກໍຄືພາສາແມ່ຂອງແພລັດຟອມນັ້ນໆ.
Cross-Platform App/ Hybrid App: ລະບົບປະຕິບັດການທີ່ສາມາດເຮັດວຽກໄດ້ຫຼາຍແພລັດຟອມ

Step 5: ຂັ້ນຕອນການພັດທະນາ

ໃນພາກສ່ວນນີ້ບອກເລີຍວ່າແມ່ນການລົງມືຕົວຈິງທີ່ບັນດານັກພັດທະນາຕ້ອງໄດ້ທຸ້ມແຮງກາຍແຮງໃຈເພື່ອການຂຽນໂຄດເລີຍກໍວ່າໄດ້

ຂັ້ນຕອນນີ້ຈະປະກອບດ້ວຍ Back-End, APIs ແລະ Front-END.

ການພັດທະນາລະບົບຫຼັງບ້ານ (Back End)ແມ່ນການພັດທະນາໂປຣແກຣມໃນສ່ວນຂອງຫຼັງບ້ານ (ສ່ວນຂອງການເຮັດວຽກຈຳພວກຖານຂໍ້ມູນ ແລະ ໂຄງສ້າງພື້ນຖານ).
ການພັດທະນາລະບົບໜ້າບ້ານ (Front End) ແມ່ນການພັດທະນາໂປຣແກຣມໃນສ່ວນຂອງໜ້າບ້ານ (ສ່ວນທີ່ຜູ້ໃຊ້ງານສາມາດແນມເຫັນ ຫຼື ສາມາດໂຕ້ຕອບໄດ້ເທິງແອັບພລິເຄຊັນ).
API ຫຼື Application Programming Interface ແມ່ນລະບົບບໍລິການຂໍ້ມູນກາງລະຫວ່າງຜູ້ໃຊ້/ລູກຄ້າ ແລະ ການເຮັດວຽກຝັ່ງຄອມແມ່ (Server Side).

**ໜ້າທີ່ຫຼັກຂອງ API ແມ່ນການຄອຍຮັບຄຳສັ່ງຈາກຝັ່ງຜູ້ໃຊ້/ລູກຄ້າ ເຊິ່ງແມ່ນແອັບຕ່າງໆ. ໃນທີ່ນີ້ໝາຍເຖິງ ເວັບແອັບ (web app), ແອັບມືຖື (mobile app), ແອັບຄອມພິວເຕີ (desktop app). ເຮົາເອີ້ນການກະທຳຈາກຜູ້ໃຊ້/ລູກຄ້າແມ່ນ ການຮ້ອງຂໍ (Requesting) ເພາະເມື່ອເກີດຄຳສັ່ງ ຫຼື ການຮ້ອງຂໍຕ່າງໆຕົວ API ຈະໄປປະມວນຜົນວ່າສິ່ງທີ່ຮ້ອງຂໍມັນຕົງກັນບໍ່ ຈາກນັ້ນກໍສົ່ງຂໍ້ມູນໄປທີ່ສ່ວນ ຂອງຜູ້ໃຊ້/ລູກຄ້າ ຫຼື ແອັບ ເຮົາເອີ້ນຂັ້ນຕອນນີ້ວ່າການຕອບສະໜອງ (Responding).

ຕົວຢ່າງ API ທີ່ນິຍົມໃນປະຈຸບັນ:

Google Maps API https://console.cloud.google.com/apis
Line API https://developers.line.biz
Facebook API https://developers.facebook.com
Twitter API https://developer.twitter.com
Youtube API https://developers.google.com/youtube
Flickr API https://www.flickr.com/services/api

Step 6: ການທົດສອບ ແລະ ປັບປຸງແອັບພລິເຄຊັນ.

ຂັ້ນຕອນນີ້ມີເພື່ອໃຫ້ແນ່ໃຈວ່າ ບໍ່ມີ bugs ໃຫ້ທີມງານມາແກ້ກັນຕາມຫຼັງເຊິ່ງຂັ້ນຕອນການທົດສອບມີຫຼາຍປະເພດ ຕາມແຕ່ລະຄວາມຄືບໜ້າຂອງການພັດທະນາ:

Functional Test: ເປັນການທົດສອບວ່າຟີເຈີຕ່າງໆເຮັດວຽກໄດ້ຖືກຕ້ອງຕາມຄວາມຕ້ອງການ ຫຼື ບໍ່?
Usability Testing: ເປັນການທົດສອບວ່າຜູ້ໃຊ້ງານບໍ່ເກີດຄວາມສັບສົນ & ໃຊ້ງານງ່າຍ ໂດຍການເອົາຄຳຕິຊົມ (feedback) ຈາກຄົນທີ່ບໍ່ເຄີຍເຫັນ ຫຼື ໃຊ້ແອັບນີ້ມາກ່ອນມາປັບປຸງ.
Performance Testing: ເປັນການທົດສອບຢ່າງໜຶ່ງໃນ Non-Functional Test ເຊັ່ນ: ຄວາມສະຖຽນ/ຄວາມໝັ້ນຄົງ (Stability), ຄວາມໄວ (Speed) ແລະ ການຕອບສະໜອງຕໍ່ຜູ້ໃຊ້ງານ (Response Time) ເພື່ອທີ່ຈະໄດ້ຮູ້ວ່າລະບົບທີ່ຖືກພັດທະນາຂຶ້ນມາຖືກຮອງຮັບ.

ການເຮັດວຽກໜັກໄດ້ດີຫຼາຍໜ້ອຍເທົ່າໃດ.

Regression Testing: ເປັນການທົດສອບຟີເຈີທີ່ເຄີຍສຳເລັດ ແລະ ທົດສອບຜ່ານໄປໃນຮອບກ່ອນໆ ເພາະການເຮັດໃນຮອບນີ້ອາດສົ່ງຜົນກະທົບກັບຟີເຈີກ່ອນໜ້ານີ້ (ຜູ້ທົດສອບ ທີ່ດີຄວນມີການບັນທຶກລາຍການຂອງກໍລະນີທີ່ທົດສອບ).
Device-Specific Testing ເປັນການທົດສອບເທິງໜ້າຈໍຫຼາຍໆຂະໜາດ (screen size) ແລະ OS version.
User Acceptance Testing ໃຫ້ຜູ້ໃຊ້ຈິງມາລອງໃຊ້ແລ້ວເກັບຄຳແນະນຳ/ຕິຊົມ.

Step 7: ການປ່ອຍ Beta Version Application

ການເຮັດ Beta Version ແມ່ນການໃຫ້ຜູ້ໃຊ້ງານກຸ້ມນ້ອຍໃຊ້ງານອີ່ຫຼີ່ ເໝືອນກັບວ່າແອັບພລິເຄຊັນໄດ້ປ່ອຍລົງ ຮ້ານຄ້າໄປຮຽບຮ້ອຍ. ສ່ວນໃຫຍ່ກຸ່ມຄົນນີ້ຈະເປັນຜູ້ໃຊ້ລະດັບສູງ (power user), ຜູ້ໃຊ້ງານໃນຕອນຕົ້ນ (early adopter) ຫຼື ລູກຄ້າທີ່ຢູ່ນຳເຮົາມາດົນ ໃນຂັ້ນຕອນນີ້ເຮົາຈະໄດ້ຂໍ້ມູນທີ່ຫຼາກຫຼາຍ ແລະ ອາດຈະພົບກັບບັນຫາທີ່ບໍ່ເຄີຍທົດສອບມາກ່ອນ ເຊິ່ງດີກວ່າປ່ອຍແອັບ ແລະ ເຮັດການຕະຫຼາດແລ້ວຈຶ່ງມາພົບບັນຫານຳຫຼັງ.

Step 8: ການອັບໂຫຼດແອັບລົງ App Store ແລະ Google Play Store

ແອັບພລິເຄຊັນທົ່ວໄປຈະມີ 2 ສ່ວນທີ່ສຳຄັນຄື: web server ກັບ ຜູ້ໃຊ້/ລູກຄ້າໄວ້ເທິງ Google Play ຫຼື Apple Store

Web API (Server)

ແມ່ນການຮັບສົ່ງ ແລະ ເກັບຂໍ້ມູນຂອງແອັບມືຖື ເຊິ່ງທາງນັກພັດທະນາຕ້ອງໄດ້ຄຳນຶງ ແລະ ໄຕຕອງເຖິງຄວາມພ້ອມຂອງ ເຊີບເວີໃນການຮອງຮັບຜູ້ໃຊ້ຈຳນວນຫຼາຍຂຶ້ນໃນອານາຄົດ ເພາະອາດຈະມີບັນຫາຕາມຫຼັງມາໄດ້ ຖ້າຖືກໃຊ້ງານໜັກເກີນໄປ ຫຼື ເຊີບເວີຫຼົ້ມ ເພາະຈະເຮັດໃຫ້ແອັບພລິເຄຊັນນັ້ນດຳເນີນການບໍ່ໄດ້

ການອັບໂຫຼດແອັບ

ການອັບໂຫຼດຂຶ້ນ store ມີຫຼາຍຂັ້ນຕອນ ແລະ ມີແບບຟອມຫຼາຍອັນທີ່ຕ້ອງໄດ້ຕື່ມ, ຕ້ອງໄດ້ເຮັດ screenshot, ເນື້ອຫາສຳລັບການຕະຫຼາດ ແລະ ຕ້ອງຂຽນຄຳອະທິບາຍຕ່າງໆ.

!!! ຢ່າລືມວ່າການອັບໂຫຼດລົງ Google Play ຫຼື Apple Store ມີນະໂຍບາຍ ຫຼື ກົດລະບຽບຕ່າງກັນ. ເພາະສະນັ້ນ, ນັກພັດທະນາຢ່າລືມຄຳນຶງເຖິງຈຸດນີ້ນຳ.

ອ້າງອີງ:

ຂັ້ນຕອນການພັດທະນາແອັບພລິເຄຊັນຕັ້ງແຕ່ຕົ້ນຈົນຈົບ

Written by Comet Digital Agency

No responses yet